乜乜棠水舖丨歐錦棠臨危受命採訪鄧麗君之死 法國男友保羅見鏡頭激動想郁手

前日（8日）是鄧麗君逝世27周年，在台灣方面仍有悼念音樂會活動，懷念這位一代歌后。在27年前，各大傳媒收到鄧麗君在泰國清邁暴斃的消息，隨即安排記者前往當地進行採訪工作，當時大家分秒必爭，希望取得第一手資料報道這宗震驚全球華人的新聞。

同場加映：林希靈偏愛高佬陳安立拍拖頸痠 踢爆未婚夫愛霸廁所玩手機

{{hket:ul-video id="5724"}}{{/hket:ul-video}}

{{hket:inline-image name="14.JPG"}}{{/hket:inline-image}}

{{hket:inline-image name="0071BDivgy1h22n655xnej30dn0izmxv.jpg"}}{{/hket:inline-image}}

歐錦棠昨晚在他的個人頻道「乜乜棠水舖」憶述當年以亞視的《今日睇真D》採訪記者身分，到當地採訪時的所見所聞，阿棠想起1995年5月8日，當日他已向亞視請假去拍廣告，在工作期間，突然收到《今日睇真D》監製電話，要求阿棠立刻回家拿護照，準備晚上飛往泰國，他說：「佢（監製）冇問我得唔得，佢話『鄧麗君死咗』！我問喺邊度，佢話喺清邁，最後一班機，如果唔搭呢班機，就趕唔切。一般嚟講，我會叫佢派其他人過去啦，但呢單我冇，我好想做呢一次報道，於是我就同拍廣告嗰邊講，要盡快拍完；大家都知道咩事，好快拍完，我就飛車返屋企攞護照。我記得自己冇攞行李，淨係攞咗錢、銀包、護照就去機場，當晚搭最後一班機去泰國清邁。」

今日睇真D｜56歲盧希萊皮膚白滑全靠P圖？ 轉做經理人戲癮不減經常客串【下一頁】

在這趟機程上，坐滿了由台灣來港轉機的台灣傳媒，席間，阿棠看到一個人，此人正是鄧麗君胞弟鄧長禧，並跟他做了一個簡短的訪問。阿棠指當晚抵達後，入住鄧麗君出事的酒店，並立即採訪酒店職員，「知道5月8日朝早，鄧麗君喺房中暴斃，屍體已送去醫院。得到更多資料嘅就係，當時佢係一個人喺房，同住有法國男友保羅，但有指保羅當時出咗去，有話佢去跑步，亦都有話佢去游水……總之佢唔喺房入面，據講鄧麗君係哮喘發作，失救而死；弔詭嘅係，嗰支哮喘藥物吸入器喺保羅身上，換句話講係因為咁樣而失救致死？」

林子博率《今日睇真D》班底重聚 陳存正腎病好轉精神出關見好友【下一頁】

幸運地，阿棠與採訪隊在酒店遇上保羅，副導演立即拿出攝影機欲上前採訪，「保羅見到我哋已經發脾氣衝埋嚟打人，第一件事就打部攝影機，第二件事就想打副導演，我就即刻喝止佢！鄧麗君嘅家人拉開佢，話唔好意思『大家心情都唔好』，我話呢個係我哋工作，大家都唔想打擾你，狹路相逢，都要攞攝影機出嚟影一影，你話唔畀咪唔好出嚟，冇辦法㗎！因為佢係呢件事嘅主角之一。」

{{hket:inline-image name="50.jpg"}}{{/hket:inline-image}}

翌日，阿棠與各傳媒守在醫院，醫院方面同意讓傳媒拍攝當時鄧麗君急救的那間房間，「無綫《城市追擊》抄襲《今日睇真D》，以前出外景經常『扑咪』（行內術語︰非正式訪問），當我哋去到同鄧麗君急救嗰間房，雙方都好禮讓，《城追》主持林文森……後來我哋成為咗朋友，亦都影咗一張好破格嘅合照，就係我哋交換咪牌影相。」

為鄧麗君急救的醫生講解情況，對方透露應家人要求不會為鄧麗君解剖，遺體隨即運往台灣。對於當年有傳媒刊登鄧麗君的遺容，據講其頸部和臉頰有紅印，有傳是掌印而引起很多揣測，不過阿棠說：「喺最後一次訪問鄧長禧，問到『見到鄧小姐嘅遺容，佢點呀』，對方就話好安詳，會即日返台灣，返到去開始辦身後事。」阿棠在這次採訪的最後一項工作，就是在清邁機場的停機坪，目送鄧麗君遺體運往台灣。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】